תהילים קלה

הַלְלוּיָהּ. הַלְלוּ אֶת שֵׁם יהוה. הַלְלוּ עַבְדֵי יהוה: שֶׁעומְדִים בְּבֵית יהוה. בְּחַצְרות בֵּית אֱלהֵינוּ: הַלְלוּיָהּ כִּי טוב יהוה. זַמְּרוּ לִשְׁמו כִּי נָעִים: כִּי יַעֲקב בָּחַר לו יָהּ. יִשרָאֵל לִסְגֻלָּתו: כִּי אֲנִי יָדַעְתִּי כִּי גָּדול יהוה. וַאֲדנֵינוּ מִכָּל אֱלהִים: כּל אֲשֶׁר חָפֵץ יהוה עָשה. בַּשָּׁמַיִם וּבָאָרֶץ בַּיַּמִּים וְכָל תְּהמת: מַעֲלֶה נְשאִים מִקְצֵה הָאָרֶץ. בְּרָקִים לַמָּטָר עָשה. מוצֵא רוּחַ מֵאוצְרותָיו: שֶׁהִכָּה בְּכורֵי מִצְרָיִם. מֵאָדָם עַד בְּהֵמָה: שָׁלַח אותת וּמופְתִים בְּתוכֵכִי מִצְרָיִם. בְּפַרְעה וּבְכָל עֲבָדָיו: שֶׁהִכָּה גּויִם רַבִּים. וְהָרַג מְלָכִים עֲצוּמִים: לְסִיחון מֶלֶךְ הָאֱמרִי וּלְעוג מֶלֶךְ הַבָּשָׁן. וּלְכל מַמְלְכות כְּנָעַן: וְנָתַן אַרְצָם נַחֲלָה. נַחֲלָה לְיִשרָאֵל עַמּו: יהוה שִׁמְךָ לְעולָם. יהוה זִכְרְךָ לְדר וָדר: כִּי יָדִין יהוה עַמּו. וְעַל עֲבָדָיו יִתְנֶחָם: עֲצַבֵּי הַגּויִם כֶּסֶף וְזָהָב. מַעֲשה יְדֵי אָדָם: פֶּה לָהֶם וְלא יְדַבֵּרוּ. עֵינַיִם לָהֶם וְלא יִרְאוּ: אָזְנַיִם לָהֶם וְלא יַאֲזִינוּ. אַף אֵין יֶשׁ רוּחַ בְּפִיהֶם: כְּמוהֶם יִהְיוּ עשיהֶם. כּל אֲשֶׁר בּטֵחַ בָּהֶם: בֵּית יִשרָאֵל בָּרְכוּ אֶת יהוה. בֵּית אַהֲרן בָּרְכוּ אֶת יהוה: בֵּית הַלֵּוִי בָּרְכוּ אֶת יהוה. יִרְאֵי יהוה בָּרְכוּ אֶת יהוה: בָּרוּךְ יהוה מִצִּיּון. שׁכֵן יְרוּשָׁלָיִם. הַלְלוּיָהּ: