תהילים קל

בשבת תשובה אומרים מזמור זה פסוק בפסוק: שִׁיר הַמַּעֲלות. מִמַּעֲמַקִּים קְרָאתִיךָ יהוה: יהוה שִׁמְעָה בְקולִי. תִּהְיֶינָה אָזְנֶיךָ קַשֻּׁבות לְקול תַּחֲנוּנָי: אִם עֲונות תִּשְׁמָר יָהּ. יהוה מִי יַעֲמוד: כִּי עִמְּךָ הַסְּלִיחָה לְמַעַן תִּוָּרֵא: קִוִּיתִי יהוה. קִוְּתָה נַפְשִׁי. וְלִדְבָרו הוחָלְתִּי: נַפְשִׁי לַיהוה. מִשּׁומְרִים לַבּקֶר שׁומְרִים לַבּקֶר: יַחֵל יִשרָאֵל אֶל יהוה. כִּי עִם יהוה הַחֶסֶד וְהַרְבֵּה עִמּו פְדוּת: וְהוּא יִפְדֶּה אֶת יִשרָאֵל מִכּל עֲונותָיו: